Partia Lëvizja për Bashkim përmes një deklarata kërkon pjekuri politike për të nxjerrë Kosovën nga kriza në të cilën ka hyrë. Për këtë arsye ajo ka propozuar qeveri gjithëpërfshirëse ose zgjedhje të reja,
“Shihet lehtë se lufta për pushtet mund të të verbojë deri në atë shkallë sa fatin e vendit ta lësh në mëshirën e Listës Serbe dhe të partive të vogla, siç po vepron PAN-i, ose të rrish anash e t’i gëzohesh faktit se Kosova po hyn në vështirësi me shpresë se nga këto vështirësi do të përfitojë partia ime, siç po vepron LVV e LDK.
Ende ka kohë, që të gjitha partitë politike të mendojnë e ta nxjerrin Kosovën nga kriza në të cilën ka hyrë dhe e cila do të thellohet.
Dy rrugë i ka Kosova sot për të shpëtuar: ose një qeveri gjithëpërfshirëse me mandat të kufizuar njëvjeçar e me detyra të përcaktuara mirë nga i gjithë spektri politik, ose zgjedhje të reja!”, thotë LB.
Kjo parti dje u largua nga koalicioni PAN, pasi nuk pranon të jetë pjesë e një qeverie që kushtëzohet nga Lista Serbe. /tesheshi.com/
