Para tre javësh, bëri përshtypje një takim i Donald Lu dhe Romana Vllahutin me ish-kreun e Kuvendit, Jozefina Topalli, të cilën Lulzim Basha e ka mënjanuar nga lidershipi i ri.
Topalli po shmang deklaratat e saj nga çadra por edhe nuk është parë në krah të Sali Berishës në logun politik që opozita ka instaluar prej 18 shkurtit.
Edhe Astrit Patozi, përveç fjalimeve të para, tani po del vetëm me editorial që i publikon në faqen e tij të Facebook-ut dhe rimerren nga mediat e miqve të tij të vjetër gazetarë.
Kurse Eduard Selami nuk është parë fare në çadër.
Genc Ruli deklaroi para ca ditësh se është lodhur nga politika dhe ai është prezent vetëm me batutat e tij shpotitëse në rubrikën “Antena brenda Familjes” të gazetës Tema, se publikisht ka folur pak.
Në fakt edhe Arben Imami nuk është se është dëgjuar.
Ditën e sotme ambasadori amerikan në Tiranë, Donald Lu u takua me deputeten e PD-së, Majlinda Bregu e cila është edhe kryetare e Komisionit Kombëtar për Integrimin Europian.
Bregu është përfolur edhe si kandidaturë e mundshme për President, ndërkohë që udhëheq negociatat mes Partisë Popullore Europiane dhe PD-në për misionin e daljes së krizës.
Siç mësohet, këto negociatat nuk se kanë ecur përpara dhe Lulzim Basha ka vendosur që të hënën, pikërisht ditën që vjen i dërguari i Merkelit, Davit MCallister, të bllokojë të gjithë rrugët nacionale.
Por shefja e diplomacisë së BE-së, Federica Mogherini dhe komisioneri Johannes Hahn, deklaruan një javë më parë se në Parlamentin shqiptar duhet të kthehen “deputetët e përgjegjshëm”.
Është hera e dytë që SHBA dhe BE i rikthehet grupit të deputetëve “të përgjegjshëm”.
Në korrik, u përgatit plani rezervë që nëse PD-ja nuk do ta votonte Reformën në Drejtësi, madje as LSI, ishin në gatishmëri 8 deputetë të PD-së që mund të jepnin votën e tyre.
Eduard Selami e tha këtë edhe publikisht.
Ndërkohë, dy ditë më parë, një drejtues i një media pranë LSI-së e riktheu sërish këtë skenar duke e quajtur si “të rrezikshëm”.
Dhe sipas gjasave kjo ka qenë edhe arsyeja që Ilir Meta nuk e firmosi koalicionin me Edi Ramën. Madje as kryeministri nuk ia kërkoi me ngulm. Ata po shkojnë drejt një loje shahu absurd, kush bie në fund.
Por Rama dhe Meta janë në dijeni të planit që ka gati Perëndimi. Ndaj dhe nuk lëvizin, sepse janë vetëm gurë shaku.
BE ka investuar mbi 300 milionë euro për Reformën në Drejtësi dhe nuk do të lejonte që ky investim sado i vogël relativisht të shkrihej si kripa në ujë.
Bëhet fjalë për prestigjin e Europës, ndaj në skenë kanë hyrë peshat e rënda, që nga Angela Merkel, e deri tek krerët e Bashkimit Europian.
Githashtu në një linjë është edhe SHBA që sot me deklaratën e Departamentit të Shtetit i vuri “pikat mbi i”.
Ben Blushi tha mbrëmë te opinion se SHBA e BE janë përgatitur edhe për planin që D nuk hyn në zgjedhje. Por nuk do të jetë e gjithë PD-ja, por vetëm lidershipi i Bashës.
Pasi siç mësohet grupi i Majlinda Bregut ka mbledhur rreth vetes thuajse të gjithë krerët e degëve dhe seksioneve që Basha i ka shkarkuar nga veriu në jug që prej dy vjetësh.
Vendimi më i fundit ishte shkrirja e degës së Himarës dhe zëvendësimi i saj me njerëz të Vangjel Dules.
Por Kristo Çipa, ish-kryetari i PD-së Himarë ka që prej një muaji që del publikisht përkrah ambasadores gjermane në Tiranë, natyrisht për aktivitete kulturore, por që strukturat e mënjanuara të PD-së kanë shumë gjasa që të jenë opozita e re. NDoshta jo si PDr-ja e Pollos në vitin 2001 por një forcë më e përkrahur ndërkombëtarisht. /tesheshi.com/
