Kryeministri Rama ka bërë një lëvizje të papritur politike, duke “njohur” kryebashkiakët “non grata”, pra ata pak emra që fituan në emër të kolalicionit Berisha – Meta më 14 maj. Ata janë ftuar të jetë në pranishëm në një takim që shefi i mazhorancës po zhvillon në Shkodër me kryebashkiakë, sigurisht të forcës së tij, por duke përfshirë dhe kundërshtarët, që në këtë rast janë të implikuar politikisht me xanxën amerikane që rëndon mbi eprorin e tyre politik.
Kanë qenë amerikanët ata që në këtë kontekst kanë paralajmëruar se nuk do njohin asnjë produkt që buron nga “non grata”.
Kujtojmë se pasi u shpallën fitues, disa nga ata drejtuan “lutje” ndaj kryeministrit për bashkëpunim. Ky i fundit nuk u përgjigj asnjëherë, por tani ka vendosur të bëjë të “urtin” dhe t’i përfillë.
Bëhet fjalë për kryebashkiakët e Kavajës, Mirditës, Memaliajt, Fushë Arrësit dhe Pukës. Duhej të ishte dhe Beleri, nëse sot nuk do ishte në burg nën akuzën e blerjes së votave.
Shenja e parë për një bashkëpunim mes kundërshtarësh, ku duhet theksuar se mes tyre është “non grata” amerikane, u dha javë më parë në frontin e rrugës së re Memaliaj – Berat, ku dy mininistre e dy kryebashkiakë socialistë në inspektim kishin ftuar dhe njeriun që drejton Memaliajn, të zgjedhurin e Berisha-Metajt.
Më vonë, do ishte Spiropali që do pozonte me një tjetër kryebashkiak “non grata”, atë të Fushë Arrëzit.
/tesheshi.com/
