Kolumbia thotë se kostoja e zhvendosjes së 70 hipopotamëve që i përkisnin bosit të ndjerë të drogës Pablo Escobar në vende të ashtuquajtura të shenjta jashtë shtetit, do t’i kushtojë vendit 3.5 milionë dollarë.
Siç shkruan Guardian, hipopotamët, të cilët janë territorialë dhe peshojnë tre tonë, vijnë nga katër hipopotamë që u importuan ilegalisht nga Afrika prej Pablos në vitet ’80. Pas vdekjes së Escobarit në 1993, kafshët filluan të bredhin lirshëm në ligatinat e Antioquia-s.
Atje, autoritetet mjedisore nuk kanë mundur të kontrollojnë numrin e hipopotamëve që e kanë bërë pellgun e lumit Magdalena shtëpinë e tyre. Kjo është arsyeja pse ata thanë se planifikojnë t’i zhvendosin kafshët në muajt e ardhshëm. Ata planifikojnë të dërgojnë 10 hipopotamë në Ostok në Meksikën veriore dhe 60 në në Indi.
“I gjithë operacioni duhet të kushtojë rreth 3.5 milionë dollarë”, tha Ernesto Zazueta, pronar i shenjtërores meksikane Ostok.
Zazueta dhe guvernatori i rajonit kolumbian që është shtëpia e hipopotamëve thonë se planifikojnë t’i joshin kafshët me karrem.
Në stalla, hipopotamët do të mbyllen përpara se të vendosen në arka të posaçme për transportin e kafshëve. Kolumbia ka vite që ka një problem me hipopotamët e Escobarit. Sterilizimi i hipopotamëve është duke u kryer, por ata po riprodhohen më shpejt sesa mund t’i gjejnë, kapin dhe tredhin veterinerët lokalë.
Nga katër hipopotamët e parë nga pasuria e Escobarit, lindën 130, dhe kjo është popullsia më e madhe e hipopotamëve jashtë Afrikës. Popullsia e tyre do të rritet në mënyrë eksponenciale sepse nuk kanë armiq natyrorë nga bota e kafshëve në Kolumbi. Një studim vlerësoi se deri në vitin 2034 do të ketë 1400 hipopotamë në Kolumbi.
Studimet kanë paralajmëruar se hipopotamët po dëmtojnë ekosistemin në Magdalena – lumi më biodivers në botë. Çdo i tillë ha rreth 40 kilogramë bar në natë, që do të thotë se jashtëqitja e tyre vetëm helmon ujin, vret peshqit dhe kërcënon biodiversitetin e pasur të lumit.
Përveç sa më sipër, takimet mes hipopotamëve dhe popullatës po bëhen gjithnjë e më të shpeshta. /tesheshi.com/
