Me Lëvizjen Besa në Maqedoni, një forcë politike premtuese që pritet ta ndryshojë fort konfigurimin politik shqiptar në zgjedhjet e afërta, si dhe të rrëzojë kultin dominues e dy forcave politike, BDI-së dhe PDSH-së, po ndodh ngjashëm si me PS-në e Ramës përgjatë vitit të fundit të opozitës, kur Rilindjes së tij i bashkangjiteshin shumë emra me impakt publik. Dhe sa herë që ndodhte kjo, Rama thoshte frazën “Ekipit të Rilindjes iu bashkua dhe…”.
Dhe pra ngjashëm po ndodh dhe me Besën, ku shumë emra të njohur të shoqërisë maqedonase po afrohen me këtë forcë politike. Dy më të fundit janë ish-deputeti i BDI-së në Strugë, Arben Llabënishti dhe aktivisti e njohur qytetar dhe teolog në Dibër, Xhemail Çupi.
Po ashtu, edhe publicistët Fejzi Hajdari e Xhenis Sulimani në rrjetin social facebook kanë shprehur qëndrimet se “Epoka e BDI-së” po merr fund dhe se njerëzit e vlefshëm e kanë vendin në Lëvizjen Besa, ku çështje kohe është kur kjo lëvizje do të kalojë në epërsi.
Përgatiti: Mensur Krasniqi – /tesheshi.com/
