Lëvizja Besa ka ripërsëritur qëndrimin e tyre që krahas Prokurorisë Speciale në Maqedoni të themelohet edhe Gjykatë speciale. Këtë propozim Lëvizja Besa e ka shprehur duke qenë të bindur thellë se Gjykatat në Maqedoni, kështu siç janë, për fat të keq nuk janë të afta dhe kredibile për t’u marrë me rastet e ndjeshme siç janë këto që do t’i inicionte një Prokurori Publike Speciale.
“Ne jemi të bindur se pa themelim edhe të Gjykatës Speciale që do merret vetëm me gjykimin e rasteve të iniciuara nga Prokuroria Speciale, drejtësia për këto raste nuk do të vijë dhe përfundimisht Maqedonia nuk do të mund të dalë nga kriza e thellë aktuale. Andaj ne do të vazhdojmë të insistojmë që në Maqedoni të themelohet Gjykata Speciale si mënyrë e vetme për të zgjidhur këto raste në favor të drejtësisë në vend”, – thuhet në njoftimin e Lëvizjes BESA./tesheshi.com/
