Të paktën dy xhami në rajonin Hesse të Gjermanisë kanë marrë letra kërcënuese këtë javë, thanë të premten përfaqësuesit e komunitetit lokal musliman.
Neo-nazistët e dyshuar dërguan letra kërcënuese për xhamitë në qytetin e vogël Fuerth dhe rrethin e afërt Wahlen, i tha Salih Ozkan, një përfaqësues i grupit ombrellë turko-muslimanë DITIB, për mediat lokale.
Siç tha ai, letrat përmbajnë kërcënime dhune ndaj muslimanëve, dhe ato u nënshkruan nga një grup që e quajti veten “NSE 2020”.
Ai i bëri thirrje policisë që të zhvillojë një hetim serioz dhe të sigurojë mbrojtje më të madhe për xhamitë.
Nuk ishte e qartë menjëherë nëse kërcënimet ishin të lidhura me rrjetin neo-nazist “NSU 2.0”, i cili ka dërguar qindra kërcënime me vdekje për muslimanët dhe emigrantët në dy vitet e fundit.
Autoritetet gjermane arrestuan një oficer në pension të policisë dhe gruan e tij në korrik me dyshimin se kishin shkruar dhe dërguar letra kërcënuese.
Nënshkrimi “NSU 2.0” i referohej organizatës së ekstremit të djathtë neo-naziste National Socialist Underground (NSU).
Anëtarët e grupit vranë dhjetë qytetarë midis 2000 dhe 2007, duke përfshirë tetë turq dhe një emigrant grek.
Megjithëse zbulimet e fundit kanë treguar që agjensia e brendshme e inteligjencës gjermane kishte dhjetëra informatorë që kishin kontakte me të dyshuarit e NSU, zyrtarët këmbëngulën që ata nuk kishin informacione paraprake në lidhje me qelizën terroriste të NSU dhe vrasjet. /tesheshi.com/
