Presidenti Meta e sheh krizën politike shqiptare dhe si një rrezik potencial për stabilitetin e Ballkanit. Kjo evidentohet në një letër që ai së fundi ia dërguar OSBE-së, ku i kërkon të bëhet ndërmjetësuese për krizën e rëndë politike në vend.
“Përshkallëzimi i mëtejshëm i krizës ka gjasa të ndikojë negativisht në procesin e integrimit të Shqipërisë në Bashkimin Evropian dhe stabilitetin e Ballkanit Perëndimor e më gjerë”, shkruan Meta, ku sipas tij, vetëm OSBE mund t’i japë drejtim.
“OSBE-ja është institucioni i duhur për ta ndihmuar Shqipërinë në këto çaste kritike”, thotë Meta.
Po pse pikërisht ky institucion? Mu prej faktit që prej OSBE-së kërkon që t’i hape rrugë 13 tetorit të tij me zgjedhje të trefishta.
“zgjidhja e vetme e kësaj krize është mbajtja e zgjedhjeve të lira, të ndershme dhe gjithëpërfshirëse, gjithashtu të domosdoshme për kredencialet demokratike të Shqipërisë, të cilës i është besuar kryesimi i ardhshëm i Organizatës sonë”, thekson kreu i shtetit. /tesheshi.com/
