Katër partitë opozitare në Kuvendin e Kosovës i kanë dërguar një letër kryediplomates së Brukselit, Federica Mogherini, që si ndërmjetësuese në dialogun mes Kosovës dhe Serbisë të marrë parasysh shkëmbimin e territorit apo ndryshe korrigjim e kufijve.
Lidhja Demokratike e Kosovës, Lëvizja Vetëvendosje, Partia Social Demokratike dhe Alternativa, të cilat tonë përfaqësojnë 60 për qind të qytetarëve të Kosovës, kërkojnë nga zonja Mogherini që se ideja e ndryshimit të kufijve të mbështeten, e as ndonjë marrëveshje që vjen nga një ide e tillë.
Opozita thekson se fillimi i një procesi të ri të dialogut, pa përgatitjen e nevojshme, vështirë të ketë sukses.
“Përgjegjësia e plotë e Kuvendit të Kosovës është që të miratojë një platformë për dialog me shumicën e dy të tretave, dhe vetëm në këtë mënyrë mund të sigurojë legjitimitetin e procesit. Çdo formë tjetër e dialogut është e destinuar të dështojë. Është në interes të qytetarëve të Kosovës që të arrihet një konsensus të tillë brenda Kuvendit të Kosovës”, shkruhet ë letër.
Opozita thekson se duke vlerësuar lartë rolin e BE-së në procesin e dialogut dhe mbështetjen e Shteteve të Bashkuara, beson se BE-ja dhe SHBA-ja duhet të jenë plotësisht të përfshira për të kërkuar që një marrëveshje përfundimtare me Serbinë të çojë në normalizim të plotë të marrëdhënieve ndërmjet dy vendeve.
“Normalizimi i plotë mund të arrihet vetëm me anë të njohjes së ndërsjelltë. Marrëveshja përfundimtare me Serbinë duhet të mundësojë anëtarësimin e drejtpërdrejtë e Kosovës në organizatat ndërkombëtare, kryesisht në Kombet e Bashkuara, si dhe hapjen e rrugës për anëtarësimin në BE dhe NATO”, shprehet opozita në letër. /tesheshi.com/
