Një grup akademikësh, shkrimtarësh dhe artistësh hebrenj nga Shtetet e Bashkuara i dërguan një letër të hapur presidentit Joe Biden, duke kërkuar që SHBA të gjejë një mënyrë për të arritur një armëpushim në Rripin e Gaza-s.
“Ne jemi një grup shkrimtarësh, artistësh dhe akademikësh hebrenj amerikanë. Të jesh hebre do të thotë gjëra të ndryshme për të gjithë ne, por ne të gjithë kemi të paktën një prind hebre, që do të thotë se mund të shkojmë në Izrael dhe të kualifikohemi për shtetësinë izraelite.
Ne dënojmë sulmet ndaj civilëve izraelitë dhe palestinezë. Ne besojmë se është e mundur dhe me të vërtetë e nevojshme të dënohen veprimet e Hamasit dhe të njihet shtypja historike dhe e vazhdueshme e palestinezëve. Ne besojmë se është e mundur dhe e nevojshme të dënojmë sulmin e Hamasit dhe të mbajmë qëndrim kundër ndëshkimit kolektiv të popullit të Gazës që po shpaloset dhe po përshpejtohet ndërsa shkruajmë.
Ndërprerja e burimeve për më shumë se dy milionë njerëz, kërkesa që familjet të largohen nga shtëpitë e tyre në veri, bombardimi pa dallim i popullsisë civile, këto janë krime lufte dhe veprime të pambrojtshme.
E megjithatë, qeveria e Shteteve të Bashkuara ofron mbështetje ‘morale’ dhe materiale për dehumanizimin dhe vrasjen e banorëve të pafajshëm të Gaza-s.
Ne po shkruajmë për të shprehur publikisht kundërshtimin tonë ndaj asaj që qeveria izraelite po bën me ndihmën amerikane. Ne i bëjmë thirrje qeverisë amerikane të kërkojë një armëpushim të menjëhershëm dhe të përdorë burimet tona për të ofruar ndihmë që do të sigurojë kthimin e sigurt të pengjeve dhe do të ndërtojë një rrugë diplomatike drejt paqes.
Si hebrenj, si amerikanë, ne do të ndihemi të sigurt në komunitetet tona dhe në botë, jo për shkak të mbështetjes së qartë të SHBA-së për Izraelin, por për shkak të këmbënguljes së qeverisë sonë për të drejtat universale të njeriut, të cilat shumë prej nesh i marrin si të mirëqena.”
Nënshkruar nga: Timo Andres, Annie Baker, Nico Baumbach, Susan Bernofsky, Judith Butler, Michael Chabon, Deborah Eisenberg, Madeleine George, Masha Gessen, Francisco Goldman, Andre Gregory, Nan Goldin, Alena Graedon, Amy Herzog, Marianne Hirsch, Gabriel Cindy Klein, David Klion, Lisa Kron, Rachel Kushner, Tony Kushner, Ben Lerner, Jonathan Lethem, Sam Lipsyte, Zachary Lockman, Kenneth Lonergan, Andrew Marantz, Ben Marcus, David Naimon, Benjamin Nugent, Howard Rodman, Dana Sachs, Ira Sachs, Lynne Sachs, James Schamus, Adam Shatz, Wallace Shawn, Leo Spitzer, V (i njohur më parë si Eve Ensler), Paula Vogel, Ayelet Waldman, Laura Wexler dhe Hannah Zeavin. /tesheshi.com/
