Daragh Curley është një tifoz 10-vjeçar i Manchester United që i shkruajti Jurgen Klopp, trajnerit të Liverpool-it, si pjesë e një projekti shkollor.
United dhe Liverpool janë rivalët më të mëdhenj, e Curley i kërkojnë Klopp-it që të humbasë disa ndeshje në mënyrë që klubi i “Anfield” të mos bëhej kampion i Anglisë, për herë të parë që nga viti 1990.
“Unë po ju shkruaj për t’u ankuar. Liverpool-i pofiton shumë ndeshje. Nëse fitoni dhe nëntë të tjera, do të keni rekordin e madh; atë pa humbje në një sezon, në të gjithë historinë e futbollit anglez. Për shkak të gjithë kësaj, është e trishtueshme të jesh një tifoz i United. Ju lutemi humbni, lëreni Liverpool që të humbë javën tjetër, le të fitojë ekipi kundërshtar”, shkroi Daragh.
Disa ditë më vonë djali u befasua; ai mori një letër reaguese nga Klopp.
“I dashur Daragh, faleminderit që më shkrove. Edhe pse nuk më urove fat apo diçka të ngjashme, gjithsesi është gjithmonë bukur të komunikosh menjë tifoz të tillë futbolli. Por fatkeqësisht, t nuk mund ta përmbush plotësisht dëshirën tuaj. Aq sa doni që Liverpool të humbasë, po aq detyra ime është që të bëj gjithçka mundem për të fituar.
Ka miliona njerëz në të gjithë botën që e duan këtë dhe unë nuk mund t’i zhgënjejë ata.
Për fat të mirë tuajin, ne kemi humbur ndeshje në të kaluarën, dhe do t’i humbasim dhe në të ardhmen. Ky është futbolli! E di që tani kur je 10 vjeç, mendon se gjërat do të mbesin gjithmonë kështu siç janë tani, por si një 52-vjeçar mund të të them që nuk është aspak kështu. Një gjë mund t’ju them se nuk do të ndryshojë – pasioni juaj për futbollin dhe dashuria tuaj për klubin. Manchester United është i lumtur që ju ka! Klubet tona janë rivalë të mëdhenj, por ne gjithashtu e respektojmë shumë njëri-tjetrin. Ky është e gjithë futbolli që duhet të jetë për mua”, ishin fjalët e shkruar nga Klopp.
Zhgënjimi i Daragh këtë sezon është vërtet i madh, pasi Liverpool po shkon i sigurt drejt titullit dhe me rekorde madje Ai ka 25 fitore në 26 ndeshje dhe 22 pikë më shumë se vendi i dytë. Manchester United është i shtati dhe 38 pikë pas Liverpool-it. /tesheshi.com/
