Është bërë publike një letër që Arqipeshkëvi i Metropolit të Shkodrës, Angelo Massafra, i ka dërguar Kuvendit ditë më parë, ku, duke iu drejtuar deputetëve iu kërkon atyre që t’i qëndrojnë larg korrupsionit në ushtrimin e detyrës.
Kleriku i lartë, duke iu kërkuar parlamentarëve përgjegjshmëri në ushtrimin e detyrës, u citon atyre Papën kur thotë se politika ëshë “një mjet themelor për të ndërtuar qytetarinë dhe veprat e njeriut”.
Në letrën publikuar nga Shqiptarja.com renditen “korrupsioni, mohimi i të drejtës, mosrespektimi i rregullave të përbashkëta, pasurimi i paligjshëm…”, si rrugë që mund ta shkatërrojnë një shoqëri. /tesheshi.com/
