Kjo është letra e një juristi drejtuar ministrit të drejtësisë, Ylli Manjani (pa e artikuluar gjëkundi emrin e tij), e që i drejtohet si autoriteti bazë që duhet të shprehet për reformën e përfolur.
Kjo, pasi nuk është dakort me gjuhën e ashpër të përfaqsuesve diplomatikë në Tiranë karshi prokurorëve dhe gjykatësve.
Nga ajo çfarë kuptohet mes rreshtave, juristi letërpërcjellës nuk është dakort që kjo reformë të udhëhiqet edhe deklarativisht prej të huajve, sado dashamirës qofshin, por të jetë diçka shqiptare për të cilën të flitet mundësisht sa më shqip.
Letra
Nga Rinald Stefi*
Në vëmendje të z. ministër të Drejtësisë
Më duhet t’ju drejtohem pasi si unë dhe shumë të tjerë kanë të njëjtin shqetësim.
Së pari:
– A mund të na sqaroni, është Reformë apo një rregullim, plotësim ligjor?
Kjo ka rëndësi sepse:
Nuk dëgjojmë të flitet për institucionet, por për të emëruarit në gjykata e prokurori sipas ligjeve të shtetit shqiptar.
sepse :
Vetëm ministri i Drejtësisë është autoriteti më legjitim të na thotë:
– Reforma është ndërhyrje ligjore apo pushim nga puna i gjykatësve dhe prokurorëve?
Dhe, nëse ministri i Drejtësisë e thotë fjalën e tij, pas kësaj a duhet të heshtin disa ambasadorë?
sepse :
Po përmenden “pranga e ndëshkime” mbi kokat e atyre që përditë janë në punë dhe në seanca gjyqësore, dhe është vetëm autoriteti i minstrit të Drejtësisë që të thotë fjalën e tij ndaj kësaj dukurie të padëgjuar ndonjëherë, të krijuar nga ambasadorët në Tiranë, nga disa prej tyre.
– A duhet të na thotë ministri ynë i Drejtësisë se ç’janë ato thirrje të vazhdueshme “votojeni Reformën?” Kush? Prokurorët e gjykatësit, apo parlamenti, respektivisht partitë politike në Kuvend?
– Ç’duhet të kuptojnë shqiptarët me turet sa në një sallë në tjetrën të ambasadorëve duke fjalosur për:
– “Korrupsion”,
-“Martesa me te pasur”,
-” Unë di ! Po ju a e dini ? “,
– “Ata që janë kundër, janë të ligjtë që i duan të keqen vendit”
– “Më e mira është të pushohen 400 gjykatës e prokurorë!”
– “Ne kemi burgosur zyrtare të lartë, prandaj kemi hyre në Bashkimin Europian”?
Ka ndonjë shqiptar të kuptojë se “këto e kështu” janë direktivat e Bashkimit Europian?
– A ka një autoritet që u tregon shqiptarëve: Seriozitet dhe konsekuence pa prekur sedren moralin e secilës prej kategorive të shoqërisë?
– A ka mundësi të dimë ç`po ndodh, jo nga të ftuarit e tavolinës së “Reformës” por nga autoriteti i ministrit tonë të Drejtesisë, pasi e mbi të gjitha na duhet një e folur për të gjithën, e jo diçka këtu e diçka atje sikur po i shohim ne kronikat e lajmeve, dhe … përderisa është për NE, shqiptaret , të jetë Shqip!
Besoj tek fjala e ministrit tonë të Drejtësisë.
*Jurist
/tesheshi.com/
