Duke parë në sy vrasësin e burrit të saj, një ushtar rus 21-vjeçar, 61-vjeçarja ukrainase Katerina Selipova nuk mund ta besojë që i shoqi i vdiq kaq padrejtësisht.
Vadim Sisimarin pranoi dje në gjykatën e Kievit fajin për vrasjen, atë të 2-vjeçarit ukrainas të paarmatosur, Oleksandr Selipov, siç tha ai, pas urdhrave të eprorit të tij.
Ky është gjyqi i parë i krimeve të luftës në Ukrainë që nga pushtimi rus.
Rreshteri, nga Irkutsk, Siberi, rrëfeu se e qëlloi Selipovin me një kallashnikov nga dritarja e hapur e një makine të vjedhur ndërsa viktima po ecte me biçikletë pranë shtëpisë së tij në fshatin Tsupakhivka në verilindje të Ukrainës, më 28 shkurt.
Ushtari rus e qëlloi katër herë në kokë burrin fatkeq.
Sisimarin ishte duke ecur me një makinë me katër kolegë, të cilët e vodhën atë pranë fshatit Chupachifka në verilindje të Ukrainës.
Ushtari rus pretendoi se njëri prej ushtarëve “urdhëroi të akuzuarin të vriste civilin në mënyrë që të mos raportonte” vjedhjen e makinës. Vdekja e Selipov ishte e menjëhershme, pak metra larg shtëpisë së tij.
Duke folur për Daily Mail, Katerina Selipova tha: “Për 39 vite burri i saj ishte një njeri paqësor, një pensionist që nuk përbënte kërcënim për rusët.
Duke parë në gjykatë vrasësin e të shoqit, ajo pohoi se “Duket si fëmijë, por do të marrë dënimin”. Përveç kësaj, ajo e cilësoi vdekjen e burrit të saj si absurde.
“E di që është ushtar dhe zbaton urdhrat, por pse nuk ka qëlluar në tokë apo në ajër? Ai duhet të kalbet në burg dhe të kalojë pjesën tjetër të jetës duke menduar për atë që ka bërë”.
Ironia është se i ndjeri kishte shërbyer dikur në ushtrinë ruse.
Më saktë, Selipov shërbente si truprojë në shërbimet sekrete KGB në kohën e Brezhnevit. Ai u vra 40 vjet më vonë në pushtimin rus të urdhëruar nga Presidenti Vladimir Putin, i cili gjithashtu ka shërbyer në KGB.
Gruaja e viktimës udhëtoi pesë orë me makinë nga shtëpia e saj në Kiev për të marrë pjesë në gjyq dhe për të parë në sy vrasësin e tij. /tesheshi.com/
