Leo Messi “shkatërron” GPS-in dhe jep rezultate “të frikshme” fizike. Njoftimi ka dalë “me gjysëm zëri” nga stafi personal i argjentinasit të Barcelonës, pas ndeshjes miqësore të luajtur e fituar ndaj Juventusit.
Lojtarët katalanas në këtë ndeshje kishin të vendosur në kraharor një tip GPS-ie, kërkesë e mjekëve për të verifikuar gjendjen fizike dhe anomalitë e mundshme për secilin.
Por ajo që kanë vërejtur duke matur parametrat e “pleshtit”, sipas tyre kanë qenë të mahnitshme të pakonstatuara më parë tek ndonjë lojtar. Të dhënat e sakkta në fakt janë mbajtur sekret, por ajo “gjysmë fjale” ka marrë dhenë kudo nëpër botë.
Thuhet se në bazë të të dhënave të verifikuara nga GPS-ia, Messi kishte një përgatitje fizike të shkëlqyer, kishte start të jashtëzakonshëm të sprintit, kishte ecje shumë të shpejtë me top dhe lëvizje të këmbëve, që mezi ishte konstatuar nga pajisja.
Interesant Leo, edhe pse tashmë është hedhur tek të 31-tat, pas martesës së lumtur dhe rinovimit me Barcelonën, shkon edhe shkatërron pajisjet me performancën atletike, pa menduar aspak sa të shtrenjta janë. /tesheshi.com/
