Leo Messi i ka dhënë fund beqarisë duke u martuar me Antonela Roccuzzo-n, gjatë një ceremonie në vendlindjen e çiftit, Rosario, një qytet 300 km larg nga kryeqytetit Buenos Aires, pra në Argjentinën e tyre.
Dasma u organizua në një hotel të këtij qyteti, ku të ftuar ishin afro 250 mysafirë, një pjesë e madhe edhe futobollistë, si Gerard Pique, Jordi Alba, Cesc Fabregas, Neymar, Dani Alves, Angel Di Maria, Sergio Agüero, Gonzalo Higuain, Ezequiel Lavezzi, Pablo Zabaleta, Xavi Hernandez, Carles Puyol dhe Samuel Eto.
Pamjet e dasmës kanë qenë të kursyera, pasi të 150 fotoreporterët nuk janë lejuar të jenë prezentë në “zemrën e saj”. Ndër të paktat pamje ishte ajo ku çifti pozoi në hyrje të hotelit.
Messi konsiderohet si një nga futbollistët më të mirë në histori, e aktualisht më i miri, duke patur për rival të fortë Cristiano Ronaldon. Por ndërsa ky i fundit është dhe personazh i lajmeve rozë, për shkak të sharmit fizik që ka, Messi mund të konsiderohet “i mundur” në këtë pikë nga rivali portugez i Realit. /tesheshi.com/
