Inspektoriati Kombëtar për Mbrojtjen e Territorit, ka ngritur një padi për kreun e Bashkisë së Gjirokastrës, Flamur Bime dhe zyrtarë të tjerë të Bashkisë. Ata akuzohen për dhënie leje në kundërshtim me ligjin për ndërtimin e një pallati 7 katësh në lagjen “18 Shtatori”. Kjo akuzë ngrihet në një kohë kur një tjetër kryetar bashkie socialist, Shpëtim Gjika, po kërkohet që të ballafaqohet me ligjin duke qenë në kushte burgu. Po ashtu, kjo furtunë akuzash po ndodh me afrimin e zgjedhjeve lokale, ku shumë kryetarë aktualë po duan të rikandidojnë. Flamur Bime, drejton një ndër qytet kryesore të Shqipërisë, Gjirokastrën. Pallati për të cilin ngrihet akuzë ndaj tij, ka irrituar shumë banorë, të cilët fajësojnë atë dhe administratën që ai drejton se ka dhënë leje flagrante./tesheshi.com/
