Nga qeveria është bërë me dije për një marrëveshje që pritet të nënshkruhet mes dy anëve të kufirit, me vlerë për ata kosovarë që punojnë në Shqipëri e anasjelltas.
Ishte ministri i Brendshëm Bledi Çuçi ai që tha se do të lehtësohet marrja e lejeve të qëndrimit dhe punës për qytetarë e Kosovës dhe Shqipërisë në shtetet respektive.
“Është një lajm i mirë për qytetarët e Kosovës që me një aplikim dhe pa dokumente do të marrin menjëherë lejen e qëndrimit për 5 vite në Shqipëri dhe brenda kësaj leje do të jetë edhe leja e punës.
Është lajmi i mirë është për qytetarët shqiptarë që jetojnë në Kosovë që do të marrin leje qëndrimi në Kosovë me procedura shumë më të lehtësuara se sot.
Është në vazhdën e disa marrëveshjeve që do të nënshkruhen brenda sektorëve që përfshin Ministria e Brendshme”, tha Çuçi. /tesheshi.com/
