Kryeministri Rama shfaqi frikën e tij me lirimin e masave izoluese. Duke inspektuar depon e re të barnave në QSUT, ai tha se duhet një pregatitje për çdo situatë të papritur.
“Ne duhet ta përgatisim se çdo gjë mund të ndodhë edhe duhet të jemi gati, është shumë problem kjo situatë e hapjes sepse edhe mënyra si shkoi gjëja, njerëzit u relaksuan, hë se nuk ka gjë, shumica e kupton se ishte rezultat i shtrëngimit të fortë.
Por rutina dhe zakonet janë të forta, duhet të përgatitemi për eventualitetin e një vale tjetër.
Do Zoti mos të na sjellë përpara kësaj sprove por duhet të jemi të përgatitur”, tha shefi i qeverisë. /tesheshi.com/
