Shqipëria po bëhet gati të presë krah pune të huaj e jo vetëm, por deputeti Ralf Gjoni ndihet keq që ky krah mund të vijë nga vendet e Lindjes.
Teksa në parlament kanë kaluar për miratim disa lehtësira në ligjin për të huajt, duke lehtësuar procedurat, Gjoni, në emër të “dashurisë për atdheun”, siç ai e pohoi, e përktheu tragjikisht këtë zhvillim.
Jam patriot dhe e dua vendin tim. Nuk e kam fare për turp që nuk dua në vendin tim shtetas nga vende të dyshimta sa i përket sigurisë kombëtare, fare.
Pa asnjë konsultim publik ju i thonë shqiptarëve se ikni se ju zëvendësojmë me njerëz të botës së tretë. Unë dua persona nga vendet e zhvilluara”, iu drejtua ai mazhorancës.
Iu përgjigj kreu i komisionit të ligjeve Ulsi Manja, duke i thënë: “Nuk është i shpopullimit, por i dorës së shtrirë dhe zemrës së hapur.
Jetojmë në një shoqëria të hapur ku dominojnë rregullat e tregut, dhe s’duhet të bëjmë përjashtim.
Kushdo që arrin të sigurojë një kontratë pune është i mirëseardhur”, tha Manja.
Sipas qeverisë, ligji synon të ofrojë lehtësira për të huajt që mund të vijnë në Shqipëri për të punuar dhe ose për turizëm. /tesheshi.com/
