Legot do të bëhen rrjet “social” me një aplikacion që është menduar të jetë i sigurt për fëmijët më pak se 13 vjeç, duke u dhënë mundësi të rinjve në të gjithë botën të lidhen në një komunitet kolegësh për të shpërndarë krijimet e tyre dhe për të ndërvepruar me disa nga personazhet Lego.
Që nga fillimi i 2017-tës deri sot aplikacioni është lançuar në SHBA, Britani, Francë, Gjermani, Danimarkë, Austri, Zvicër dhe Itali. “Lego janë një gjuhë vizive botërore që fëmijët i kuptojnë dhe i përdorin për tu shprehur. Tastiera emoji Lego është një tjetër hap para.
Kjo lloj tastiere me emoticon, ngjitës dhe fraza të shkuara i jep mundësi fëmijëve të përdorin aplikacionin LEGO Life në mënyrë të sigurt dhe të bëjnë biseda të thjeshta, universale, pozitive dhe argëtuese”, thotë Rob Lowe, drejtori i Lego Life.
Për të qenë i sigurt aplikacioni i ndalon fëmijët të shpërndajnë informacione personale, foto apo çdo gjë tjetër që bën të mundur identifikimin apo vendndodhjen e tyre.
Kur përdoruesi hap një llogari, i jepet një emër i krijuar nga gjeneruesi i emrave që kombinon tre fjalë rastësore, si për shembull, “Zoti President Delfin”, fotot e profilit nuk janë foto reale dhe përmbajtja e komentet monitorohen nga punonjës të Lego./tesheshi.com/
