Kuvendi i Shqipërisë nisi sot punimet në legjislaturën e re, ndërsa shumë nga emrat e njohur të politikës duket se i kanë dhënë fund karrierës në këtë fushë. Dikush me dëshirë dhe dikujt tjetër i është ndërprerë, sallës së Kuvendit i mungojnë emra që në 20 apo 27 vitet e fundit kanë mbajtur një përgjegjësi dhe peshë jo të vogël politike.
Mes demokratëve bie në sy mungesa e Genc Rulit, Arben Imamit, Jozefina Topallit, Astrit Patozit, Majlinda Bregut apo Ridvan Bodes, të gjithë ish-bashkëpunëtorë të ngushtë t ëish-kryeministrit Sali Berisha, që duket se ka mbetur i vetmi në grupin parlamentar që i përket politikës 27 vjeçare.
Te socialistët mungojnë Namik Dokle, Arta Dade, Shkëlqim Cani, Valentina Leskaj, Pirro Lutaj, Vladimir Kosta e Fatmir Toçi, të cilët kush më shumë e kush më pak kanë dhënë contribute dhe kanë mbajtur përgjegjësi ndër vite në Partinë Socialiste.
Shpëtim Idrizi dhe Mesila Doda të PDIU, i bashkohen emrave të mësipërm, por këta nuk arritën të fitojnë mandatin e deputetit me forcën politike që përfaqësonin.
Po kështu Ben Blushi dhe Mimoza Hafizi mbetën jashtë Kuvendit me subjektin Libra, pasi nuk siguruan votat e nevojshme.
Ilir Meta, ish-kryetar i Kuvendit, nuk është pjesë e Kuvendit për shkak të zgjedhjes në postin e Presidentit të vendit. /tesheshi.com/
