U inkuadra në lojë në minutën e 37-të, për të zëvendësuar Federico Marchetin, por intervenimet e “gardianit” të portës kuqezi, Etrit Berisha ishte vendimtare në fitoren e skuadrës së Lazios përballë Frosinones, (2-0). Berisha u vlerësua me notën 7 nga mediat italiane për përfomancën e tij.
Paraqitje të shkëlqyer ka regjistruar edhe Elseid Hysaj në përballjen që skuadra e tij Napoli e fitoi ndaj Milanit, (4-0). Ai u kuotua me notën 6.5 pas përfundimit të ndeshjes.
Një tjetër mbrojtës i krahut të djathtë, Berat Xhymshiti pati një paraqitje të shkëlqyer në derbin zvicerian ndërmjet Cyrihut dhe Baselit, me ç’rast protagonist të ndeshjes ishin shqiptarët. Xhymshiti u inkuadrua në lojë në minutën e 30-të dhe pati paraqitje të mirë.
Ndërkohë që në derbi ka shkëlqyer sulmuesi Armando Sadiku që ka realizuar në fundin e ndeshjes, për ti dhënë një pikë skuadrës së Cyrihut në të cilën ndodhet edhe mesfushori i kombëtares shqiptare, Burim Kukeli që për shkak të lëndimit nuk u paraqit fare në këtë sfidë.
Në skuadrën ku aktivizohen reprezentuesit shqiptar, Gashi, Xhaka e Aliji ka realizuar gol Albian Ajeti, futbollisti i ri që momentalisht bën paraqitje për shpresat U21 të Zvicrës. Bomberi shqiptar, Shkëlzen Gashi luajti për 86-të minuta pa lënë ndonjë gjurmë, ndërkohë Xhaka për shkak të suspendimit e Aliji për shkak të një dëmtimi nuk ishin të ftuar për këtë ndeshje.
Emir Lenjani nuk lujti me skuadrën e tij Nantes në sfidën përballë Nices për shkak të reshurave të mëdha të shiut. Kapiteni i kuqezinjëve Lorik Cana ndodhet në fazën e riaftësimit.
/tesheshi.com/
