Mërgim Mavraj është rikthyer të shkelë sërish fushën e blertë, deri sa ka shijuar disa minuta në fundin e ndeshjes, që skuadra e tij Koln e fitoi ndaj Borussia Dortmund, (2-1). Mbrojtësi i kombëtares shqiptare regjistron kështu paraqitjen e 100-të, jubilare në Bundesligë.
Milot Rashica ka qenë figura kryesore në fitoren e skuadrës së tij Vittese përballë Tëentes (5-1). Mesfushori i shpresave shqiptare, ka realizuar një dy golësh dhe ka kryer një assist që ka përfunduar në rrjetën e kundërshtarit. 19-vjeçari nga Vushtrria ka arritur në kuotën e 6 golave dhe aktualisht është kryegolashënuesi i skuadrës. Ai ka shënuar tre herë në stadiumin e tij dhe po aq në sfidat e zhvilluara në udhëtim.
Një tjetër përfaqësues i kombëtares shqiptare ka qenë vendimtar për skuadrën e tij këtë fundjavë. Ledian Memushaj ka gjetur rrjetën për herë të pestë këtë edicion garash, deri sa goli i tij ishte vendimtar në duelin që skuadra e tij Pescara e fitoi në udhëtim ndaj Lancianos, (1-2).
Mesfushori qëlloi nga penaltia në minutën e 50-të të ndeshjes, gol i cili ishte vendimtar që Pescara të dalë më pikë të plota nga ky udhëtim i vështirë.
Golit nuk i është ndarë as Besart Berisha. Ish-sulmuesi i kombëtares shqiptare vazhdon të jetë një “killer” brenda zonës në kampionatin italian. Në këtë fundjavë Berisha realizoi në derbin e Melburnit, por skuadra e tij Melburn Viktori është mundur, (2-1). 30-vjeçari deri tani ka shënuar 69 gola në 110 ndeshje dhe pritet që të thyejë rekorde. Atij i duhen edhe 20 gola që të mund të kalojë rekordmenin Arçi Tomson, shënuesi më i mirë i Ligës në histori.
Eros Grezda vazhdon me shkëlqimin në kampionatin kroat të futbollit. Mesfushori ka realizuar një tjetër gol për skuadrën e tij Lokomotiva Zagreb, deri sa në udhëtim kanë triumfuar ndaj Belupos, (3-0). Grezda realizoi golin e dytë në ndeshje në minutën e 63-të./tesheshi.com/
