Fundjava ka qenë e pasur me gola për mesfushorët e kombëtares shqiptare. Herolind Shala ka realizuar golin e tij të parë me skuadrën e re çeke, Slovan Liberecin. Gol ka realizuar edhe Jahmir Hyka në kupën e Zvicrës me skuadrën e tij, Luzern përballë Xamax. Në një formë jashtëzakonisht të mirë po kalon edhe Milot Rashica, futbollisti i shpresave U21. 19-vjeçari nga Vushtrria ka realizuar golin e tij të parë në kampionatin holandez me skuadrën e tij Vitesse.
Lorik Cana dhe Ermir Lenjani luajtën në disfatën e Nantes në udhëtim te Saint Etienne, (0-2). Gardiani i portës shqiptare, Etrit Berisha për fat nuk u paraqit në ndeshjen që skuadra e tij e humbi ndaj Napolit, (5-0).
Një tjetër mesfushor shqiptar por që prezanton shtetin kroat, Granit Xhaka po kalon një formë të mirë, përkundër rezultateve të dobëta të skuadrës së tij Borusia Monchengladbach. Xhaka preku 149 herë topin në duelin e fundjavës me Koln, duke e përmirësuar rekordin që e kishte regjistruar më parë, kur kishte arritur 146 prekje të topit në 90 minuta lojë.
Xherdan Shaqiri luajti 90 minutat e ndeshjes së skuadrës së tij Stoke City me Leicester Cityn, ndeshje që përfundoi në barazim (2-2). Ndërkohë, Adnan Januzaj ka luajtur për 30 minuta në ndeshjen derbi që skuadra e tij Borussia Dortmund e fitoi ndaj Bayer Leverkusen, (0-3). /tesheshi.com/
