Ish-portieri legjendar turk Rustu Recber, është shëruar përfundimisht nga koronavirusi që gati s’i morri jetën, dhe më pas njoftoi se Ministria Turke e Shëndetësisë kishte një kurë.
Recber ka qenë në spital që nga fundi i marsit, dhe për disa ditë gjendja e tij u përkeqësua duke përfunduar në kujdesin intensiv.
Për fat të mirë, ish-portieri i kombëtares turk edhe i Barcelonës është shëruar dhe beson se vendi i tij ka një kurë për COVID-19.
“Ishte një proces shumë i vështirë dhe i gjatë i shërimit. Ekziston një kurë për këtë virus, të implementuar nga Ministria jonë e Shëndetësisë. Mjekët më shërbyen intensivisht për 10 ditë dhe bënë shumë përpjekje”, tha ish-lojtari i ekipit kombëtar turk, duke shtuar:
“Mbështetja nga të dashurit e mi në këtë proces ka qenë fantastike. E gjithë kjo kishte një rëndësi të madhe dhe ishte më e lehtë të besoja se unë do të dilja fitimtar nga kjo luftë. Në fund, ne të gjithë jemi shumë të lumtur dhe kjo është gjëja më e rëndësishme”. /tesheshi.com/
