Ish-tre herë kampioni i botës, i quajtur ndryshe dhe “Më i madhi”, i është drejtuar spitalit për shkak të problemeve në frymëmarrje.
“Ai po trajtohet nga ekipi i tij i mjekëve, dhe është në gjendje të mirë,” ka sqaruar një njoftim i zëdhënësit të familjes.
“Pritet një qëndrim i shkurtër në spital,” thuhet në deklaratën e lëshuar nga Feniksi, ku jeton Muhammed Aliu.
Agjencia e lajmeve AP pretendon se gjendja shëndetësore e ish-boksierit të famshëm është më serioze se në shtrimet e tjera në spital.
Muhammed Ali qe shtruar më herët në spital mes fundit të 2014-ës dhe fillimit të 2015-ës, duke u shfaqur gjithnjë e më i dobët në publik.
Tanimë 74-vjeçar, ai vuan prej kohësh nga sëmundja e parkinsonit. Diagnostikimi me këtë sëmundje u bë në vitin 1984, tre vite pasi ai e kishte lënë boksin. /tesheshi.com/
