Cristian Bale, një aktor i famshëm britanik, i cili përveç talentit të tij aktoresk, dallohet gjithashtu dhe për transformimet fizike të jashtëzakonshme dhe ndonjëherë të rrezikshme, ka vendosur që të përfundojë zyrtarisht praktikën e humbjes së vazhdueshme për rolet e tij.
Konkretisht, për filmin e tij të fundit Ford Vs. Ferrari, ai humbi 35 kilogramë për të luajtur pilotin Ken Miles.
Dhe megjithëse Bale është shfaqur i bezdisur me transformime ekstreme fizike, kolegu i tij Matt Damon u tha gazetarëve se ai ishte i kënaqur me metodat e tij.
Edhe pse me shaka vazhdonte të thoshte se shtimi i peshës për rolin e Dick Cheney ishte i thjeshtë dhe se “ai duhej të hante shumë byrek”, nga ana tjetër e dramatizoi atë duke thënë:
“Eshtë e tmerrshme! Nëse doni të humbni peshë, nuk ka asgjë tjetër përveçse të shkoni në shtrat të uritur dhe të ndjeheni të dëshpëruar. Fitimi i peshës është një ekstrem tjetër. Ju humbni plotësisht disiplinën dhe hani si një i çmendur. Unë duhet të ndalem sepse nuk është e shëndetshme për trupin tim. Unë jam në të dyzetat e mia dhe do të jetë e rrezikshme nëse nuk bëhem më i vetëdijshëm për vetë vdekshmërinë time”, tha Bale. /tesheshi.com/
