Ylli i skuadrës Cleveland Cavaliers, Lebron James, vazhdon të mbetet basketbollisti më i pëlqyer në Amerikë, njofton mediumi i njohur ESPN. Kampioni i dyfishtë i NBA-së, dhe katër herë lojtari më i vlefshëm i saj (MVP), u votua nga 22.4% e të anketuarve.
Menjëherë pas tij vjen legjenda e LA Lakers-ave, Kobe Bryant, me 13.9%. I zgjedhuri lojtari më i vlefshëm sezonin e shkuar, Stephan Curry, është pozicionuar në vendin e tretë, me 12.5%. Kështu, James ndodhet për të katërtin vit me radhë në krye të listës të lojtarëve më të pëlqyer në NBA, të krijuar nga votimi i tifozëve.
Ndërkohë që shumë shpejt pritet të zhvillohet edhe dueli ndërmjet yjeve të Lindjes dhe të Perëndimit, duel ky i njohur si “All Stars Game”. /tesheshi.com/
