Ylli i Los Angeles Lakers, LeBron James, 37 vjeç, është bërë miliarder, por edhe basketbollisti i parë aktiv që e bën këtë, raportoi revista prestigjioze Forbes.
I vetmi basketbollist tjetër që mburret me titullin miliarder është Michael Jordan, i cili u bë i tillë në vitin 2014, pothuajse një dekadë pasi u tërhoq nga loja profesioniste.
Ylli i Lakers fitoi 121.2 milionë dollarë vitin e kaluar, duke tejkaluar pragun e 1 miliard dollarëve.
James fitoi 385 milionë dollarë duke luajtur për Lakers, Cleveland Cavaliers dhe Miami Heat, dhe e bëri pjesën më të madhe të pasurisë së tij jashtë basketbollit përmes sponsorizimeve dhe sipërmarrjeve të tjera biznesi.
Burimi më i madh i jashtëm i të ardhurave të basketbollistit të Lakers është SpringHill, një kompani e prodhimit televiziv dhe filmit që ai themeloi me partnerin e tij të biznesit Maverick Carter. Edhe sot është pronari i saj në shumicë.
37-vjeçari ka gjithashtu një për qind të aksioneve në Fenway Sports Group, i cili zotëron ekipe sportive si Liverpool dhe gjigantin e bejsbollit Boston Red Sox.
James është gjithashtu një investitor i madh. Ai ka lidhur kontrata për një kohë të gjatë në atë mënyrë që zotëron aksione të markës tregtare dhe kështu merr një pjesë të fitimit në vend të pagesës së shpejtë. /tesheshi.com/
