Asambleja Kombëtare e Francës i ka hequr imunitetin Marine Le Pen-it, lideres së ekstremit të djathtë Fronti Kombëtar, vetëm për shkak të postimit të saj në Twitter në vitit 2015, ku shkroi frazën “Ky është ISIS!”, duke e shoqëruar me trupin e pajetë të gazetarit amerikan, James Foley.
Ishte kjo, një formë reagimi e saj pas përplasjeve me një gazetar i cili e kishte krahasuar partinë e Le Pen-it me grupin terrorist ISIS.
Sipas ligjit francez, ajo mund të përballet me një dënim deri në pesë vjet heqje lirie dhe gjobë prej 75 mijë eurosh, nëse dënohet me akuzën për shpërndarje të imazheve të dhunshme. /tesheshi.com/
