Kandidatja për presidente në Francë, Marine Le Pen, ka kërkuar që t’i jepet fund mësimit falas në shkollat publike për fëmijët e të huajve, përfshirë edhe emigrantët.
“Nuk kam asnjë gjë kundër të huajve, por të jetë e qartë që nëse vinë në shtetin tonë nuk duhet të presin përkujdesje dhe asistencë, e aq më pak të frekuentojnë shkollat tona falas. Ka ikur koha e pagesave”, – ka thënë ditën e enjte, më 8 dhjetor gjatë një konference në Paris.
Sondazhet kanë nxjerrë Le Pen favorite në raundin e parë të zgjedhjeve që do të mbahen në prill të vitit 2017, kundrejt kandidatit të qendrës së djathtë, François Fillon. Që në momentin që Le Pen u vendos në krye të Frontit Nacional gjashtë vite më parë, kërkoi të lirojë partinë nga imazhi ekstremist për të tërhequr një numër të madh zgjedhësish./tesheshi.com/
