Ka lënë këtë botë një ndër ish-politikanët dhe ish-diplomatët më të njohur europianë të pas-viteve ’90-të, ish-ministri i Jashtëm austriak, Alois Mock. Ai ndërroi jetë në moshën 82-vjeçare pas një sëmundjeje të rëndë.
Karrierën e tij e shoqëruan disa momente historike, siç ishte prerja simbolike e “Perdes së Hekurt” prej tij dhe homologut hungarez, Gyula Horn në vitin ’89-të, duke afruar sërish dy vendet, si dhe pranimi i Austrisë në BE në vitin 1995.
“Austria humbi një njeri shumë të përgjegjshëm, një personalitet bindës, një austriak dhe një evropian të shkëlqyer”, tha Sebastian Kurz, kreu aktual i diplomacisë vjeneze.
Për shkak të një karriere brilante, Alos Mock konsiderohet dhe si politikan e diplomat legjendar. /tesheshi.com/
