Tetë vjet pas ndërhyrjes ushtarake kundër Gaddafit në Libi, vendi duket se po kthehet në një “Siri: të re, shkruan Le Figaro, duke përshkruar situatën në Libi si një “ballkanizim” dhe “libanizim”, duke theksuar se ajo ka shkaktuar një trazim nga fuqitë rajonale që “si shqiponjat nga lart po vëzhgojnë interesat e tyre gjeopolitike, diplomatike, ekonomike dhe financiare, duke e shndërruar konfliktin në Libi në një luftë të grupacineve lokale”.
Duke vërejtur ngjashmëritë e Libisë me konfliktin sirian, Le Figaro shprehet se pas 8 vjetësh luftë, Siria është shndërruar në një konflikt shumë nivelesh, ku një koalicion ndërkombëtar ka bombarduar ISIL-in, opozita ka luftuar kundër regjimit, Izraeli ka shikuar zhvillimin e situatës dhe herë pas here ka bombarduar shënjestra të caktuara, ndërsa Turqia ka luftuar kundër forcave kurde në Sirinë veriore.
Le Figaro shkruan se Rusia nuk e pranoi aspak se ajo ishte e mundur në Luftën e Ftohtë dhe se filloi hakmarrjen e saj ndaj Shteteve të Bashkuara dhe kthimin e saj në vendin e fuqisë botërore në Siri.
Lufta në Libi filloi në vitin 2011, ashtu si dhe në Siri. Shtetet e Bashkuara, Franca, Britania ndërhynë dhe ndihmuan revolucionarët të rrëzojnë Gadafin. Pas tetë viteve, Libia është një vend i ndarë me një qeveri të udhëhequr nga Faiz Serraj të njohur nga KB dhe rebelë të udhëhequr nga Gjeneral Hafter, ndërsa të dy palët kanë mbështetjen e disa fuqive të huaja.
Këta të fundit ndihmohen ekonomikisht dhe ushtarakisht nga Emiratet, Egjipti, Jordania. Qeveria e drejtuar nga Serraj, nga ana tjetër, ka mbështetjen e Katarit dhe Turqisë, e cila sapo ka shprehur gatishmërinë e saj për të ndërhyrë ushtarakisht nëse qeveria në Tripoli e kërkon.
Në një kohë të marrëdhënieve të trazuara gjeopolitike në botë, Lindja e Mesme është skena e të gjitha operacioneve për interesat e fuqive të ndryshme të botës, përfundon gazeta franceze. /tesheshi.com/
