Lidhja Demokratike e Kosovës (LDK), ka publikuar video nga sulmet me molotov mbi shtëpinë e kryeministrit Isa Mustafa, siç thotë me qëllim që të ndihmohen organet e rendit për të identifikuar personat që kryen aktin e tillë.
LDK thotë se tash e sa muaj, për përfitime krejtësisht politike, në Kosovë po viktimizohen interesat madhore të qytetarëve të Kosovës, po pengohet puna e institucioneve legale e legjitime, po dëmtohet imazhi i vendit, po vështirësohet zhvillimi ekonomik, proceset integruese evropiane, liberalizimi i vizave e plotë procese tjera”.
LDK-ja thotë se nuk do të luajë kurrë rolin e prokurorit, policisë apo gjyqtarëve, derisa shton se përkitazi me aktet e dhunshme të cilat po targetojnë institucionet e vendit, LDK pohon se nuk paragjykon kryerësit individualë të këtyre akteve”.
“LDK vlerëson që janë institucionet e rendit dhe drejtësisë, ato që do t’i japin përgjigjen e merituar dhe në kohë optimale atyre që ushtrojnë dhunë”, thuhet në kumtesën e kësaj partie. /tesheshi.com/
