Ndërsa presidenti Thaçi po promovon librin e tij “New State, Modern Stateman” i shkruar nga gazetarët britanikë, Roger Boys dhe Suzy Jagger në qytete të ndryshme evropaine si Londër e Paris, partia opozitare, LDK-ja po kërkon hetim parlamentar nëse është financuar me para të shtetit.
Kryetari i grupit parlamentar të LDK-së, Avdullah Hoti në konferencën e rregullt javore tha se për këtë çështje duhet të ketë hetim të plotë të ligjshmërisë së shpenzimeve dhe kjo do të bëhet përmes komisionit hetimor parlamentar.
“Janë shpenzuar shuma të mëdha të buxhetit për interesa personale, letra e GeoffreyNice drejtuar qeverisë tregon qartë për terma financiar të dakorduar jashtë rrugëve formale si dhe përmend shërbimet që ja kryer përfshirë edhe aranzhimin e ligjëratave për z. Thaçi dhe z. Hoxhaj. Letra gjithashtu përmend edhe kërkesën e z. Thaçi për të ndihmuar autorët e biografisë së tij”, tha Hoti. /tesheshi.com/
