Kryetarja e kontestuar e degës së Lidhjes Demokratike të Kosovës në Gjermani, Donika Gërvalla, sërish nuk është lejuar nga sigurimi i LDK-së të hyjë në objektin ku pritet të mbahet Kuvendi i Punës së kësaj partie, me arsyetimin se ajo nuk ka ftesë.
Megjithatë, Gërvalla tha se ka ftesën në dorë dhe po kërkon të lejohet të hyjë.
Pas ndalimit të Donika Gërvallës dhe Shefqet Dibranit (ky i fundit nga dega e Zvicrës), për të marrë pjesë në Kuvendin e Punës së LDK-së, ka reaguar deputetja e kësaj partie, Vjosa Osmani, duke thënë se ky trajtim i familjeve dhe i përfaqësuesve legjitim të degëve të diasporës është krim në vetvete, pasi nuk ka arsye që organet e LDK-së të frikësohen nga fjala e lirë.
“Sot ka ndryshime statutare dhe ne luftën duhet ta vazhdojmë edhe brenda. I kemi propozimet tona. Nëse i kanë ftuar afër 400 persona, nuk do të duhej të frikësoheshin edhe për dy zëra”, ka thënë ajo. /tesheshi.com/
