Pas dorëzimit të mocionit në Kuvend nga opozita kosovare kanë ardhur edhe reagimet e para nga LDK-ja. Është ministri i Financave, Avdullah Hoti dhe Sokol Havolli, këshilltari i Mustafës që kanë reaguar të parët.
Hoti ka kritikuar mocionin duke i ka quajtur shumicën e nënshkruesve si shkaktar të problemeve të përmendur në mocion.
“I lexova me kujdes pikat e mocionit te nenshkruar nga opozita dhe disa deputete te PDK-së. Me përjashtim të deputetëve të Vetëvendosje-s, të gjithë të nënshkruarit e tjerë janë shkaktarë të problemeve të përmendur në mocion.
Nuk e kuptoj se ku është etika e një veprimi të tillë politik. Si mund të kritikohet ligji i Trepçës?
Ju siguroj se mocionet e tilla nuk do të mund të ndalin politikat anti-korruptive të vendosura tanimë në mënyrë sistematike nga qeveria Mustafa“, ka shkruar Hoti në Facebook.
Ndërsa, Havolli ka ironizuar me nismëtarët e mocionit, konkretisht me Fatmir Limajn, duke ia përmendur akuzat në rastet e Ministrisë së Transportit sa ka qenë ministër.
“Mocionit po i mungon edhe një pikë-akuzë: Rasti i MTPT 1 dhe 2 “, ka shkruar Havolli, në Facebook. /tesheshi.com/
