Ish-kandidati i LDK-së për kryetar të Prishtinës, Arban Abrashi ka kritikuar të parin e kryeqytetit Shpend Ahmeti duke thënë se ka dështuar në tre mujorin e parë të 2018-tës.
Sipas tij Komuna e Prishtinës ka dështuar të marrë të hyrat e planifikuara si nga parkingjet e tatimi në pronë.
“Dështimi më i madh janë të hyrat nga faturat e mbeturinave që Komuna e Prishtinës inkasoi. ‘Pastrimi’ për 3 muajt e parë të vitit të kaluar ka grumbulluar mbi 600 mijë e Komuna këta tre muaj ka inkasuar mbi 100 mijë euro që është dallim shumë i madh”, ka thënë Abrashi.
Ai ka thënë se është bërë pak edhe në investime kapitale. Ai ka thënë se Prishtina krahasuar me komuna e tjera ka qenë në gjumë këta tre muaj.
Kujtojmë se Ahmeti mori një mandate të dytë si kandidat i Vetëvendosjes por muaj më parë u largua nga kjo parti dhe ish-bashkëpartiakët tashmë i ka opozitarë, çka do e ketë më të vështirë t’i realizojë premtimet e dhëna gjatë fushatës për katër vitet e ardhshme. /tesheshi.com/
