Një zhvillim i pazakontë ndodhi këtë të martë te Krimet e Rënda, ku familjarët e grupit të Lazaratit, që akuzohen për vrasjen e efektivit të policisë Ibrahim Basha, shpërthyen në dhunë ndaj trupit gjykues dhe gazetarëve.
Ata nuk pranojnë dënimet e dhëna, duke e konsideruar procesin si të motivuar politikisht.
“Ju vdekshin fëmijët!, ka qenë një prej mallkimeve të lëshuara nga familjarë të irrituar, drejt gjykatësve dhe prokurorëve të çështjes.
Kjo, pasi dhënies së vendimit të trupës së Apelit, që ka lënë në fuqi vendimet e Shkallës së Parë.
Aty ka dy dënime të përjetshme, ku përfshihen Albion Aliko dhe Bajram Boci.
Dënimet e tjera janë:
Elvis Boçi – 35 vite burg.
Alban Aliko – 20 vite burg, Apeli e uli në 18 vite
Elson Kasma – 18 vite burg, Apeli e uli në 17.6 vite
Të tjerët mbeten siç kanë qenë:
Xhulio Malo – 10 vjet
Klodian Selimi – 13 vjet
Oltion Proko – 9 vite burg
Dervish Gaba – 15 vite
Ruhan Hija – 15 vite burg
Iljaz Xhaferri – 15 vite burg. /tesheshi.com
