Rusia nuk planifikon të zgjerojë sulmet ajrore në Irak, pas Sirisë, njoftoi ministri i Jashtëm rus, Sergei Lavrov. “Ne nuk planifikojnë të shtrijmë sulmet ajrore në Irak, nuk jemi të ftuar dhe si njerëz të sjellshëm, nuk shkojmë”, tha ai, gjatë një konference shtypi në OKB.
Avionët rusë të mërkurën sulmuan objektiva brenda Sirisë për të parën herë, ndërsa të enjten sulmet u përsëritën. Moska, aleate e vjetër e presidentit sirian Bashar al Assad thotë se ka goditur pozicione të ISIS, mirëpo SHBA dhe aleatët e tyre shprehën shqetësimin se sulmet nuk kanë këtë objektiv, por kundërshtarët e Al Assad,
Lavrov ka qenë i prerë se sulmet kanë në shënjestër vetëm ISIS dhe grupe terroriste të lidhur me të.
“Ky është i njëjti pozicion që kanë edhe amerikanët”, tha i. “Përfaqësuesit e koalicionit thonë se në shënjestër kanë gjithnjë ISIS, Al Nusra dhe grupe të tjera terroriste. Këtë qëndrim kemi edhe ne”, tha Lavrov.
Lavrov tha se Rusia nuk e konsideron ushtrinë e Lirë Siriane si një grup terrorist, në përgjigje të pyetjes së gazetarëve. /tesheshi.com/
