Ministri i Jashtëm Sergei Lavrov mbajti një konferencë për shtyp, ku ndër të tjera ai deklaroi se negociatat mes Rusisë dhe Ukrainës do të vazhdojnë edhe sot, por me “kushtin e barazisë”.
“Qëllimi ynë është të heqim qafe nazistët në Ukrainë”, tha Lavrov, duke shtuar:
“Jam i sigurt se partnerët tanë nga Perëndimi do të qetësohen dhe do të kërkojnë zgjidhje përmes dialogut. Perëndimi nuk duhet të vendosë për sigurinë tonë.”
Ai gjithashtu vuri në dukje se “Perëndimi po përpiqet të imponojë imazhin e vet për të ardhmen e Evropës”.
Por ministri rus nuk u ndal me kaq dhe tha se Shtetet e Bashkuara po u diktojnë gjermanëve se çfarë është e mirë për “sigurinë energjetike evropiane”.
“Napoleoni dhe Hitleri synonin të vendosnin të gjithë Evropën nën kontrollin e tyre. Tani amerikanët duan ta bëjnë këtë,” tha ai.
Ai gjithashtu shtoi:
“Në filma, ju keni një fotografi të së keqes absolute dhe të mirës absolute. Pamja globale është e ngjashme. Besoj se histeria do të ndalet”.
Ministri i Jashtëm rus tha se po diskutohej dhe mundësia e një lufte bërthamore.
“Por nuk është Rusia ajo që po e bën këtë, po e bën NATO dhe Ukraina”, tha Lavrov. /tesheshi.com/
