SHBA-të nuk do të sulmojë Korenë e Veriut, pasi kanë dijeni se Pheniani ka bombën atomike, deklaroi sot shefi i diplomacisë ruse Sergej Lavrov.
“Amerikanët nuk do të sulmojnë Korenë Veriore, pasi jo vetëm që nuk dyshojnë, por edhe janë të sigurtë se ata posedojnë bombën nukleare”, tha Lavrov për televizionin rus NTV.
Më herët, presidenti Donald Trump deklaroi se çështja e Koresë së veriut duhej të ishte diskutuar nga administrate Clinton dhe Obama.
Pasi ka vënë theksin se çështja koreano-veriore duhej zgjidhur, Trump tha se “nuk kemi alternativë tjetër”.
”Ndoshta disa hapa do të funksionojnë, disa jo. Unë personalisht nuk jam i sigurt se do të funksionojnë, por sido që të ndodhë mund të them se jemi të sigurt”, deklaroi ai. /tesheshi.com/
