Ministri i Jashtëm rus Sergei Lavrov tha se procesi i formimit të një rendi të ri ndërkombëtar shumëpalësh sapo ka filluar në skenën botërore.
Si pjesë e vizitës së tij zyrtare në Vietnam, ai mori pjesë në një mbledhje në qendrën ndërkombëtare të Valday.
Duke komentuar mbi ngjarjet në një shkallë globale, Lavrov tha se Këshilli i Sigurimit i OKB-së nuk arrin të përfaqësojë një pjesë të botës që i kanë vendet në zhvillim, dhe ka shtuar se reforma e këtij organi më i lartë i OKB-së po vonon.
“Shumë vonë për reformën e Këshillit të Sigurimit të OKB-së, për shkak se ky institucion nuk ka kapacitet për të përfaqësuar interesat e rajoneve të Azisë, Afrikës dhe Amerikës Latine, të cilat janë zhvilluar shumë shpejt”, ka thënë Lavrov.
Ministri i Jashtëm rus tha se Bashkimi Evropian është një faktor i rëndësishëm në skenën ndërkombëtare, por që po tërhiqet në një numër çështjesh “brenda radhëve të saj”.
“Bota është tani në fazën e fillimit të formimit të një rendi të ri multi-polar ndërkombëtare. Kuadri ligjor ndërkombëtar është i ndarë. Ne duam të bëjmë hapa për një proces gjithëpërfshirës”, ka thënë Lavrov.
Ai akuzoi Perëndimin e nuk ka bërë mjaft për të zgjidhur krizën emigrantëve, duke theksuar se nuk ishte Rusia ajo që e bombardoi dhe shkatërroi Libinë. Sipas Lavrov, ata që e bënë këtë gjë tani duhet të marrin përgjegjësi për njerëzit që ikin nga ky vend. /tesheshi.com/
