Të premten, Sergei Lavrov, ministri i jashtëm rus, i bëri thirrje Bashkimit Evropian për të forcuar bashkëpunimin, por gjithashtu për të respektuar parimin e mosndërhyrjes në punët e brendshme të shteteve sovrane të Ballkanit Perëndimor.
“Do të ishte mirë të bini dakord mbi parimet që do të përfshinin detyrimin për të mos ndërhyrë në punët e brendshme të shteteve sovrane, si në Ballkanin Perëndimor dhe kur bëhet fjalë për ish-republikat sovjetike,” tha ai.
Pas pjesës së parë të bisedimeve me kryediplomatin e BE Josep Borrell në Moskë, Lavrov tha se “ka dallime” midis Rusisë dhe BE, por gjithashtu se ata janë “partnerë që kanë një përgjegjësi të përbashkët në kontinentin e përbashkët Euroaziatik”.
“Shpresojmë që BE, në kontekstin e diskutimit mbi marrëdhëniet strategjike me Rusinë, të vendosë për bashkëpunimin profesional, konstruktiv dhe pragmatik,” tha Lavrov.
Ministri i Jashtëm rus theksoi rëndësinë e bashkëpunimit midis Federatës Ruse dhe BE në fushën e ekonomisë dhe tregtisë dhe shprehu shpresën se bashkëpunimi në fushën e energjisë do të zhvillohej “në interes të përbashkët”.
Lavrov deklaroi se gjatë pandemisë, kur ishte e nevojshme uniteti dhe solidariteti, “disa në BE përdorën pandeminë dhe akuzuan Rusinë për keqinformim”.
“Unë besoj se përmes veprimeve të saj, Rusia ka treguar se është e gatshme të ndihmojë të gjithë aktorët, përfshirë partnerët evropianë, në luftën kundër virusit të rrezikshëm,” tha Lavrov.
Ai bëri thirrje për t’i dhënë fund “luftës dezinformuese” dhe formimin e kanaleve të reja të komunikimit bazuar në fakte dhe profesionalizëm. /tesheshi.com/
