Vendet e Ballkanit nuk duhet të përballen me një zgjedhje fiktive midis bashkëpunimit me Rusinë dhe marrëdhënieve me vendet perëndimore, tha ministri i Jashtëm rus Sergei Lavrov, njoftoi Tass.
Pas një bisede telefonike me Komisionerin e Lartë të BE-së për Punë të Jashtme dhe Politikë të Sigurisë Josep Borrell, Lavrov tha se ai kishte tërhequr vëmendjen edhe për nevojën për të zbatuar marrëveshjet e arritura midis Serbisë dhe Kosovës disa vjet më parë.
“Ne diskutuam situatën në Ballkanin Perëndimor, veçanërisht në dritën e vizitës time të ardhshme në Serbi,” tha Lavrov.
“Ne u kemi përsëritur partnerëve tanë në BE parimet tona që vendet në këtë rajon nuk duhet të përballen me një zgjedhje fiktive midis Perëndimit dhe Rusisë,” theksoi ai.
Sipas tij, të gjithë duan që vendet evropiane të kenë një “politikë shumë-vektore”, maksimalisht të hapur për dialog me të gjithë ata që janë të gatshëm për një dialog të tillë në bazë të barazisë dhe përfitimit të ndërsjelltë. /tesheshi.com/
