Ministri i Jashtëm rus, Sergey Lavrov akuzoi të premten Shtetet e Bashkuara të Amerikës se po provokojnë Korenë së Veriut, për t’iu kthyer opsionit ushtarak në zgjidhjen e problemit bërthamor koreano-verior.
“Është shqetësese fakti se në dy muajt e fundit, kur Koreja e Veriut nuk provoi dhe nuk testoi asnjë raketë, Uashingtoni nuk dukej i lumtur dhe po përpiqej të irritonte ose provokonte Phenianin”, tha ai në një konferencë të përbashkët shtypi me homologun japonez Taro Kon.
Në tetor, marina amerikane dhe koreano-jugore zhvilluan një manovrim detar, një demonstrim të ri të forcës ndaj Koresë së Veriut.
Këtë javë, Presidenti i SHBA Donald Trump, njoftoi se SHBA-ja vendosi të ri-regjistrojë Korenë e Veriut në listën e tyre të zezë të “shteteve mbështetëse të terrorizmit”, në mënyrë që të ushtrojë presion shtesë mbi programin e saj bërthamor.
“Duket sikur amerikanët po presin që koreano-veriorët të humbasin ftohtësinë, në mënyrë që më në fund të kthehen në opsionet ushtarake”, tha Lavrov.
“Autoritetet amerikane kanë deklaruar në mënyrë të përsëritur se të gjitha opsionet janë në tavolinë, duke përfshirë atë ushtarake”, kujton ai.
Kryeministri japonez Shinzo Abe tha në fillim të nëntorit se Tokio mbështet këtë politikë të Uashingtonit.
“Ne duhet të përdorim të gjitha mjetet e mundshme, duke rritur presionin maksimal ndaj Koresë së Veriut, për t’i dhënë fund programit të tij bërthamor dhe balistik”, tha Ministri i Jashtëm japonez Kono të premten në Moskë.
“Ky është një kërcënim i pashembullt jo vetëm për Japoninë dhe Rusinë, por për të gjithë bashkësinë ndërkombëtare. Kjo është absolutisht e papranueshme”, theksoi ai.
Në korrik, Koreja e Veriut testoi dy raketa balistike ndërkontinentale që mund të arrinin territorin e Shteteve të Bashkuara, kurse në shtator ajo kreu testimin e gjashtë të bërthamor.
Lavrov shprehu shqetësimin e thellë të Rusisë lidhur me Japoninë dhe Korenë e Jugut, duke u bërë territore ku janë vendosur elementet e një mburoje globale kundër terrorizmit, nën pretekstin e një kërcënimi nga Koreja e Veriut. /tesheshi.com/
