Pavarësisht se kishte nënshkruar në shkurt të këtij viti një zgjatje kontrate për dy vite të tjera, Laurent Blanc nuk do të jetë më trajneri i ekipit më të suksesshëm francez të viteve të fundit.
Drejtuesit e PSG-së kanë vendosur t’i japin duart teknikut 50-vjeçar, që ka fituar gjithçka në nivel kombëtar gjatë qëndrimit të tij në klubin parizien.
Blanc arriti të fitonte kampionatin francez, Kupën e Francës dhe Kupën e Ligës në sezonin e fundit, por në tre vite nuk mundi të bëjë përpara në Champions League.
Pikërisht për shkak të eliminimit nga Mançester Siti në Champions League, presidenti i klubit, Nasser al Khelaifi, do ta përshkruante këtë sezon si të dështuar.
PSG-ja e ka kërkuar me ngulm një sukses në aktivitetin më më prestigj europian të klubeve, por në katër vite rresht është eliminuar në çerekfinale.
L’Equipe ka njoftuar se rrugët mes Blanc-ut dhe PSG-së janë ndarë të mërkurën, kurse media sportive franceze dhe spanjolle flasin për zëvendësimin e tij me trajnerin bask Unai Emery, që po ashtu është larguar nga Sevilja. /tesheshi.com/
