Historiania franceze e artit Laurence des Cars, e njohur për promovimin e çështjeve sociale përmes artit, do të jetë kreu i ri i Louvre nga shtatori dhe gruaja e parë në histori që kryeson muzeun më të madh në botë në më shumë se dy shekuj të ekzistencës së tij.
Des Cars aktualisht drejton Musée d’Orsay, një muze i famshëm parisien kushtuar artit të shekullit 19 dhe është gjithashtu gruaja e parë që kryeson muzeun atje.
Trashëgimia e saj përfshin rritjen e numrit të vizitorëve të rinj dhe sigurimin e më shumë hapësirës fizike për artin dhe vizitorët, raporton AFP.
Në katër vitet e saj të para në Orsay, historiania 54-vjeçare e artit shprehu pikëpamjet e saj mbi disa tema të diskutueshme, përfshirë kthimin te pronarët e artit të vjedhur nga nazistët.
“Muzeu i madh duhet të përballet me historinë, duke përfshirë kthimin pas të historisë së institucioneve tona,” i tha ajo AFP në një intervistë në prill.
Ajo rrjedh nga një familje shkrimtarësh dhe gazetarësh
Ishte thelbësore për vendimin e qeverisë franceze për ta kthyer pikturën e Orsay me Gustav Klimt Rose te trashëgimtarët e pronares të asaj vepre, Nora Stiasny. Nazistët vodhën pikturën e saj në Vjenë në 1938.
Des Cars, e cila vjen nga një familje shkrimtarësh dhe gazetarësh, do të pasojë Jean-Luc Martinez, kreu aktual i Louvre, i cili pati meritën e të bërit të muzeut më të arritshëm dhe më pak elitist.
Kjo u shpërblye me një numër rekord të vizitorëve, më shumë se 10 milion prej tyre në 2019 para se kufizimet në pandemi të ulnin numrin e vizitave.
Louvre, i njohur më mirë si shtëpia e Mona Lisa-s, është muzeu më i madh i artit në botë.
U hap në 1793 menjëherë pas Revolucionit Francez dhe sot zotëron qindra mijëra vepra arti, por më pak se 10 përqind e tyre janë në ekspozim të përhershëm. /tesheshi.com/
