Një atentat gjakatar i niveleve të larta të mafies pulieze, e ashtuquajtura mafia graganeze, i ka shkaktuar vdekjen bosit Mario Romito dhe tre personave të tjerë në një qytet të vogël të zonës së Fogias në Itali.
Siç bën të ditur La Repubblica, prej atentatit kanë gjetur vdekjen edhe dy vëllezër që ishin dëshmitarë pa dashje në larjen e hesapeve të bosëve mafiozë.
Objektivi i komandos që kreu atentatin ishte bosi Luciano Romito, 50 vjeç nga Manfredonia, i cili cilësohet nga hetuesit si një nga eksponentët më të njohur të klanit të Libergolis të të ashtuquajturës organizatë “Gargano”_. Me Romiton, në veturë ishte edhe kunati i tij, Matteo De Palma, i cili bënte edhe shoferin.
Larja e hesapeve në mafien garganeze ka nisur që në vitin 2009, ku një pjesëtar i familjer Romito shërbeu si bashkëpunëtor në maksiprocesin ku u dënuan disa pjesëtarë të organizatës më të tmerrshme të Italisë së Jugut kohët e fundit.
Duhet llogaritur që prej janarit të këtij viti, si pasojë e gjakmarrjes së nisur prej kohësh mes familjeve mafioze, vetëm në provincën e Fogias kanë gjetur vdekjen rreth 17 persona.
Familjet Romito dhe Libergolis kanë qenë aleatë prej vitesh e kanë luftuar ndaj aleancës së familjeve Alfieri-Primosa, por që më pas u armiqësuan dhe ka nisur një kasaphanë e vërtetë.
Mafia e Puglia-s njihet si grupi më i fuqishëm kriminal që zhvillon trafiqet e drogës dhe trafiqeve të tjera të paligjshme me Shqipërinë, Malin e Zi dhe Kroacinë.
Pikërisht këto grupe mafioze shërbejnë si krah i armatosur për Camorra-n dhe Ndrageta-n për kalimin e drogës në pjesën tjetër të Italisë. /tesheshi.com/
